BO VERÁN!

EXCURSIÓN "CASA GRANDE DE XANCEDA"

O MÉRCORES, DÍA OITO DE MAIO, REALIZAMOS UNHA EXCURSIÓN Á GRANXA “CASA GRANDE DE XANCEDA” A XORNADA COMEZOU CUNHA DEGUSTACIÓN DOS IOGURES QUE ELES MESMOS ELABORAN NESTA GRANXA ECOLÓXICA, A CONTINUACIÓN HOUBO UN PERCORRIDO PARA APRECIAR A BIODIVERSIDADE ARREDOR DA GRANXA. LOGO VISITAMOS DIVERSAS INSTALACIÓNS COMO AS CORTES, A SALA DE MUXIDO ONDE “MUXIMOS” Á VACA ROSALÍA, E  A CORTE DOS TENREIROS DE ATA CATRO MESES, ALÍ PASÁMOLO MOI BEN DÁNDOLLES O BIBERÓN.  SEGUIMOS A VISITA POLA FÁBRICA DE LÁCTEOS, POLO PARQUE DE XOGOS E FINALMENTE POLO ECO ZOO NO QUE ALIMENTAMOS GALIÑAS, PORCOS, CABRAS, OVELLAS E PONIS. REMATAMOS A INTENSA UNHA XORNADA POLA GRANXA CUNHA PARADA PARA COMER, ANTES DE VOLTAR AO COLEXIO.

OS MAIOS

O VENRES, DÍA DEZ DE MAIO, CELEBRAMOS EN ALBARÓN "OS MAIOS". A NOSA CLASE DECOROU UNHA ÁRBORE. OS ALUMNOS E ALUMNAS PARTICIPARON APORTANDO MOITAS FLORES, VERDE E FROITOS,  POLO TANTO QUEDOU MOI BONITO. DESPOIS O CONCELLO INVITOUNOS A BOLIÑOS PREÑADOS E HOUBO SESIÓN DE BAILE TRADICIONAL GALEGO.

O NOSO HORTO

XA  COLLEITAMOS OS  PRIMEIROS PRODUTOS DO  NOSO  HORTO. RECOLLIMOS UNHAS GRANDES E SABOROSAS LEITUGAS. QUEDAN MEDRANDO REPOLOS DE BETANZOS, PATACA E APIO.

FUNDACIÓN ABANCA

 

O VENRES 12 DE ABRIL ESTIVEMOS NA EXPOSICIÓN “A VIDA LENTA” SOBRE O MUNDO RURAL DO SÉCULO XIX, PERCORRIMOS DITA EXPOSICIÓN CUNHA GUÍA DA FUNDACIÓN ABANCA. POSTERIORMENTE REALIZAMOS UN OBRADOIRO NO QUE POR GRUPOS FIXEMOS ”UNHA PENEIRA MOTORIZADA”

VISITA Á CASA DO CONCELLO

O VENRES 22 DE MARZO PARTIMOS DO COLEXIO A PÉ ATA A CASA DO CONCELLO, ONDE FOMOS RECIBIDOS POLO ALCALDE E VARIOS CONCELLEIROS. ALÍ EXPLICÁRONNOS DISTINTOS ASPECTOS DA  ADMINISTRACIÓN MUNICIPAL. ESTIVEMOS NO SALÓN DE PLENOS, ONDE O ALUMNADO FIXO PROPOSTAS DE MELLORA PARA O NOSO MUNICIPIO, LOGO PASAMOS POLAS OFICINAS E TAMÉN NOS ATENDEU UN MEMBRO DA POLICIA LOCAL. GRAZAS POLA ATENCIÓN RECIBIDA!  DESPOIS PARAMOS NO PARQUE DOS SUBARREIROS PARA MERENDAR E XOGAR UN RATO. FINALMENTE EMPRENDIMOS A PÉ O REGRESO A MACIÑEIRA.

CONTO MUSICADO NO CONSERVATORIO

O MÉRCORES 20 DE MARZO ASISTIMOS Á REPRESENTACIÓN DUN CONTO MUSICADO NO CONSERVATORIO DE CARANZA. A NARRACIÓN ESTABA ACOMPAÑADA POR PIANO E TUBA. LOGO ESCOITAMOS DIVERSAS INTERPRETACIÓNS DE TUBA EXECUTADAS POR UN PROFESOR E BOMBARDINO,  POR UN ALUMNO.